Kjósum rétt

Nú á síðustu sentímetrum kosningarbaráttunnar finnst mér að allir eigi að hafa það í huga að það verður kosið um framtíðina. Við getum skoðað fortíðina aðeins lítillega og það þarf ekki langan tíma til að sjá að þetta kjörtímabil sem nú er að enda hefur logað í deilum og óánægju meginþorra þjóðarinnar með núverandi valdhafa sem við eigum að stefna að á morgun í kjörklefanum að kveðja og leyfum þeim að vera hinum megin borðsins, það er sannarlega komin tími til að skipta um stjórn. Syndalistinn er orðin langur, ef ég ætti að setja fimm atriði sem ég er óánægðust með þá myndi hann líta út svona:

Innrásin í Írak

Stóriðjustefnan

Kárahnjúkar

Eftirlaunafrumvarpið

Öryrkjadómurinn 

En þegar maður er nú einu sinni byrjaður að telja upp þá getur maður ekki hætt svo best er að bæta við sem flestu:

 Einkavinavæðing bankanna

Baugsmálið

Fjölmiðlamálið

Þjóðlendumálið

Falun Gong

Byrgismálið

Klíkuráðningar

,,Sætasta stelpan á ballinu”

,,Jafnréttislögin eru barn síns tíma"

Matvælaverðið

Lyfjaverðið

Vextirnir

Vörugjöldin

Stimpilgjöldin

Bruðlið í utanríkisþjónustunni

Sovéskt landbúnaðarkerfi

5000 fátæk börn

400 eldri borgarar á biðlista

170 börn á biðlista hjá BUGL

8.500 börn án tannlæknis í 3 ár

Ríkisjarðir til flokksgæðinga

Launaleynd

Tekjuskerðing hinna lægst launuðu

Einkavinavæðing

Útsala auðlinda þjóðarinnar

Árni Johnsen

Jónína umhverfisráðherra

Listinn er ekki tæmandi en af öllu sem ég er ósáttust við er að 6 tækifærum til að bæta upplýsingaraðgengi landsmanna var hafnað af núverandi valdhöfum eftir langa baráttu heyrnarlausra að táknmálið væri viðurkennt og réttindi táknmálsnotenda á forsendum táknmálsins tryggð í lögum sem og textun á innlent sjónvarpsefni.  

Nú er tími og nú er lag að við kjósendur gefum fallegum raunsæum hugsjónum um framtíð lands okkar og næstu kynslóða tækifæri til að blómstra, sýna sig og sanna meira í verki en orði.  Gefum nýju stjórnmálaafli tækifæri til að láta ljós sitt skína næstu fjögur árin.  Stysta leiðin til að fella ríkisstjórnina er að kjósa Íslandshreyfinguna –lifandi land.

Kjósum x-Í

Athugasemdir

[Lilja Haralds (IP-tala skráð) 11.5.2007 kl. 17:40]

Það er alltaf gaman að lesa skrif þeirra sem eru á allt annarri skoðun í pólitík en maður sjálfur.  Það er líka, held ég, nauðsynlegt.

Sumu er ég sammála, það er margt sem má betur fara.  Aðallega finnst mér tekjutengingar við lífeyrissjóðsgreiðslur mega hverfa úr lífeyristryggingagreiðslum.  

En svo eru þarna atriði í upptalningunni sem ég botna hvorki upp né niður í.  Hvernig í ósköpunum getur Byrgismálið verið sök núverandi ríkisstjórnar?  Voru vörugjöld á matvæli ekki felld niður og söluskattur stórlækkaður 1. mars síðastliðinn, eða var ég bara að ímynda mér það?  Stendur ríkisstjórnin fyrir launaleyndinni innan fyrirtækja?  Er það ekki gott mál að fjármálafyrirtæki fái tækifæri til að blómstra á erlendum mörkuðum, sérstaklega þegar þau borga stórar summur í sameiginlegar ríkissjóð í formi skatta og þegar venjulegir Íslendingar eins og ég, sem eiga smotterísverðbréf í fyrirtækjunum frá því maður var skírður, fær ansi góða summu þegar arður er greiddur út?

Að sama skapi finnst mér stjórnarandstaðan fría sig sök.   Atkvæði hafa verið greidd á Alþingi og setið hefur verið í nefndum sem álykta.  Margir meðlimir stjórnarndstöðunnar hafa tekið þátt í þessum "glæpum", en fyrir kosningar taka þeir 180° beygju og fordæma "verknaðinn".  

Ég ber mikla virðingu fyrir landinu okkar og ég kann að meta umhverfissjónarmið ykkar Íslandsfylkingarfólks.  En það er mín skoðun að málið þurfi ekki að vera annað hvort svart eða hvítt (eða grænt og grátt).   Ég er ekki að segja að það sé í lagi að virkja eins mikið og hægt er því við eigum svo mikið af náttúru sem megi "fórna", en ég er sátt við þá málamiðlun sem gerð hefur verið.  Landið okkar er auðlind, en mannauður er það líka.  Það er mikilvægt að fólkið, t.d. á Austurlandi, fái tækifæri til að blómstra.  Það er allt annað að koma til Reyðarfjarðar nú en áður.  Það var allt að lognast út af, ekkert að gera, engin uppbygging.  Fólk var að flýja.  Nú hafa hins vegar skapast tækifæri sem ekki voru fyrir hendi áður.  Og við græðum öll á þessu því tekjurnar sem skila sér í ríkissjóð nýtast til að stytta til dæmis bið eftir aðgerðum, plássi á elliheimilum eða meðferð á BUGL.  

Það komst enginn til að sjá Kárahnjúka fyrir virkjun nema fuglinn fljúgandi og Ómar á Frúnni.  Ég hafði ekki hugmynd um hvar þeir voru einu sinni.  Náttúruperla, sagði fólk, aðallega náttúruverndarsinnar búsettir í 101 Reykjavík.  Jújú, mörgum finnst brúngrátt svæði með varla stingandi strái vera perla.  En man einhver eftir Eyjabökkum í dag?  Þetta var heitasta málið og fólk var að missa sig yfir svæðinu.  Þar til hætt var við virkjunina.  Enginn hefur minnst á Eyjabakkana síðan, það er ekki lengur í tísku að vernda þá.

En eins og ég segi, ég ber virðingu fyrir ykkur og því sem þið berjist fyrir.  Hins vegar veit ég lítið um hver stefna hreyfingarinnar er í öðrum málum, málum sem eru alveg jafnmikilvæg og verndun náttúrunnar.  Mér finnst takmarkið að fella ríkisstjórnina ansi þunnt, því hvað á að koma í kjölfar þess?  Hvað svo?

Gangi ykkur vel á morgun og ég þakka fyrir lesturinn  

[Kristján Pétursson, 11.5.2007 kl. 18:00]

Sigulín ég ætla að skrifa upp á  hvert atriði á sinda lista ríkisstjórnarinnar.Þeir verða að hverfa af vettvangi,þetta er skipulags - og framkvæmdalaus ríkisstjórn,óréttlát og þreytt.

[Báran, 11.5.2007 kl. 22:24]

Þörf upprifjun,ég var með fáeina syndapunkta en tek undir allt hér.  Spilling á ekki að þrífast í stjórnmálum eins og undanfarin ár!

Óska okkur góðs gengis á morgun

Bestu kveðjur,

Bára