Frí...

Þá er stóri dagurinn loks runninn.  Eftir honum hérna á heimilinu hefur verið beðið með mikilli eftirvæntingu.  Við erum farin í frí til Florida.  Ég á víst eftir að þræða alla þessa ótalmörgu skemmtigarða þarna milli þess sem flatmagað verður við strönd Mexicoflóa sem og eitthvað verður kíkt í mollin þarna. Væntanlega verður bara líka legið í leti á sundlaugarbakkanum sem fylgir húsinu okkar.  Kannski ég bloggi þaðan, hver veit nema ég kíki inn á netið í nýja 3G símanum mínum og komi með eitthvað sniðugt eins og til dæmis myndir og skemmtilegar sögur af ferðinni okkar. En á meðan hafið það gott og vona ég að veðrið hérna leiki um ykkur eins það á að gera við mig þarna úti.

Athugasemdir

[Guðrún, 3.8.2007 kl. 14:19]

Góða ferð til Flórída  og  góða skemmtun.

Kveðja Guðrún