Komin..

Yndislegu fríi í Florida er lokið, þessar 3 vikur þar voru stórkostlegar í einu og öllu.  Við þrjár mömmurnar staðráðnar að gera ferðina eftirminnilega og skemmtilega fyrir börnin okkar fimm sem voru á aldrinum 3-12 ára og okkur sjálfar og tókst það heldur betur vel.  Veðrið lék við okkur allan tímann, hvað annað enda vorum við öll stödd í Sunshine State.   Tókum 10 skemmtigarða á 14 dögum og áttum góða daga inn á milli sem notaðir voru í verslunarferðir eða bara slakað á á sundlaugarbakkanum í húsinu sem við leigðum. 

Eftir allar rússibanaferðirnar vissi ég ekki hvort ég ætti að hlæja eða grenja þegar ég frétti að hreyfilinn í flugvélinni bilaði og lent var á einni vél í stað tveggja rétt fyrir lendingu í Keflavík í morgun. Allt fór vel að lokum og get alveg sagt að það var ekkert smá brosað þegar maður labbaði niður landganginn. 

Athugasemdir

[Steinunn (IP-tala skráð) 27.8.2007 kl. 17:47]

Sætar mynd af ykkur :-) og verðum hittast fyrsta tækifæri og heyra ferðasöguna ykkar :-) kv Steinunn

[Steinunn (IP-tala skráð) 27.8.2007 kl. 17:52]

Hæ aftur gleymdi segja ykkur Velkomin heim Íslands :-) kv Steinunn