Flottur handbolti

Þeir eru indælir strákarnir okkar í landsliðinu sem sjá okkur fyrir sætum sigrum nú á dögum.  Horfði á leikinn með syni mínum og hann er orðin hjátrúfullur með einsdæmum, hann trúir því núna að Ísland sigri ef hann er í úlpunni minni að horfa á leikinn.  Ég ætlaði að taka mynd af honum úlpuklæddum í sófanum horfandi á leikinn, en á svona ögurstundum eins og þessari fann ég ekki myndavélina á rétta augnablikinu og það verður því smá bið að mynd af honum úlpuklæddum birtist hérna.  Hann er meira segja farin að suða um að fá að fara til Þýskalands að horfa á restina og vonandi úrslitin líka.  Það kemur nú varla til mála, mamma þarf að fara á Landsþingið.  Það er gaman að handboltanum núna og sendum við hérna strákunum okkar hlýjar stuðningskveðjur

Pólland - Ísland

Leikurinn var mjög góður framan af, allt gekk svo vel en svo tvíefldust pólverjarnir í lokin það mikið að það dró smá úr okkar mönnum.  Gat alveg gerst og strákarnir okkar eru enn strákarnir okkar.  Hér kemur svo myndin eins og ég lofaði... skyldi það hafa verið að hann fór úr úlpunni á ögurstundu, segi ekkert um það.

 

 

Athugasemdir

[Sigurður Þórðarson, 24.1.2007 kl. 19:21]

Þú sendir okkur mynd.

[Jón Svavarsson, 29.1.2007 kl. 00:04]

Sæl bara að kvitta fyrir innlit. kveðja Jón

[Elsa (IP-tala skráð) 29.1.2007 kl. 00:46]

Á ekki að fara að blogga um landsþingið, ein sem biður spennt!

[Bragi Einarsson, 29.1.2007 kl. 19:05]

satt er það, ég bíð spenntur!