Mannréttindasáttmáli SÞ

Ég hef oft komið hér inn að málefnum táknmálsins sem og bættu upplýsingaraðgengi heyrnarlausra.  Nú hefur Allsherjarþing Sameinuðu Þjóðanna samþykkt mannréttindasáttmála nýrrar aldar. Sáttmálinn nær til 650 miljón manna með fötlun um allan heim og þar á meðal um réttindi heyrnarlausra á forsendum táknmálsins. Til að mynda segir í honum að heyrnarlausir eigi rétt á að fá menntun og upplýsingar á táknmáli, þeir eiga að fá táknmálstúlkun svo nokkuð sé nefnt en stærsta innleggið er að táknmál er flokkað sem tungumál og er jafngilt talandi tungumálum. Risastórt framfararskref en síðasta skrefið er þó tekið í hverju landi fyrir sig þegar þing landsins staðfestir sáttmálann.  Hér á landi kemur það víst til kasta Alþingis.  Það er mín von að Alþingi staðfesti sáttmálann, annað finnst mér bara ekki hægt og væri það ekki bara sætt af þeim að gera það?

Athugasemdir

[Óttarr Makuch, 19.12.2006 kl. 12:12]

Ekki vil ég segja að það væri sætt af þeim að samþykkja sáttmálan heldur er það bara almenn virðing við alla þegna landsins og því hrein og bein skylda þeirra að samþykkja hann.

[Sigurlín Margrét Sigurðardóttir, 19.12.2006 kl. 17:39]

Sæll, maður getur bara ekki annað en notað orðið "sætt" um svona þarft málefni sem þarf sína sjálfsögðu samþykkt eins og þú og ég vitum, sér í lagi þegar maður hefur horft á mörg góð málefni sem ættu að fá meiri umfjöllun og jafnvel samþykkt en fá bara að lenda í ruslafötu í nefndarherbergjum Alþingis, sum ekki aðeins einu sinni heldur mörgum sinnum. kær kveðja M