Táknmálsfrumvarpið

Þá er ég búin að flytja táknmálsfrumvarpið, ég er ánægð og get ekki annað en verið sátt við umræðuna sem fram fór.  Þetta er þverpólitískt málefni og þannig séð geta menn ekki annað en verið sammála um mikilvægi þess að það nái fram að ganga. Stundir með svona upplifun á eru mikilvægar fyrir Alþingi og lýðræðið.  Ég er mjög ánægð með það sem þingmenn höfðu til málanna að leggja í umræðunni og þakka þeim af alhug fyrir hvert sitt innlegg.  Nú verður því verið vísað í menntamálanefnd með atkvæðagreiðslu á morgun og þar vænti ég þess að það fái umfjöllun sína sem það á skilið, framhaldið ræðst svo eftir hvernig afgreiðslu það fær þar.  Ræðuna mína er hægt að nálgast hérna.  Frumvarpið er hér að finna.

Athugasemdir

[Fanney Dóra Sigurjónsdóttir, 27.2.2007 kl. 23:24]

Æðislegt! Frábært! Nú skulum við vona að það sofni ekki í nefnd heldur verði að veruleika! :)

[Hulda Elma Guðmundsdóttir, 28.2.2007 kl. 10:40]

Til hamingju með frumvarpið. Fjöldi manna hefur til þessa setið á þingi og aldrei flutt frumvarp.

[Valdimar Gunnarsson, 28.2.2007 kl. 18:44]

Til hamingju með þennan áfanga - mér er alveg sama þótt þetta sé dýrt, það er þvílíkt réttlætismál að táknmál sé viðurkennt sem móðurmál þeirra sem eiga það að móðurmáli.  Megi þessu frumvarpi farnast vel og sofni það aldrei í nefnd.

[Baldvin Jónsson, 28.2.2007 kl. 20:11]

Frábært framtak Sigurlín, þetta hlítur að fá brautargengi í þetta sinnið

[Bragi Einarsson, 28.2.2007 kl. 22:30]

Go, girl, go